Gedichte 2002
Man O Man war des a Graus ,
i hob scho gmoant mit`n Keabeaga Fußboi is jetzt aus.
Eine Schlappe nach da andern ham`s kassiert,
umananda glafa sans gar furchtbar miad.
Oa Tor nach`m andern hams eich eine druckt,
vom Plotz sans oba gschlicha ganz gebuckt.
Koa Wunda das dann letzta wan,
do hät net amoi koifa da Oliver Kahn.
Doch vielleicht woit´ns as Feld blos von hinten auf roin,
weil jetzt sans ständig nur am überhoin.
Plötzlich ham´s a haufa Spiele gwunna, meistens no klar,
ganz nach dem Motte, was schert uns des schlechte Spui was gestern war.
Wia kon sowas kemma ,
woi mas doch moi beim Nama nenna.
Da Lebenswandel hot sie gändert, zumindest bei a poar,
denn sie san jetzt nimma a loa.
Beim Heltmann Charly laft ois a bisserl anders rum,
tscheast a Kind dann die Hochzeit, des scheint jeam ganded dumm.
Mei, tanzen kon der wia da Fred Astaire,
wenn der nur so fuassen kant, mein lieber Herr.
Übrigens bei dera Hochzeit miass ma no oan Nama nenna,
weil gschloffa hot der do wie a echta Penna.
D´leit feiern olle drin,
doch da Uri legt se sche gmiatlich draussen auf die Parkbank hin.
Doch Uri brauchst da nix denga
es lossn sie andere no schwara henga.
Koana hod gwußt wo a war,
Frau hod gmoand wahrscheinlich hinter oana Bar.
Auf oana Bank hod a dawei gschloffa,
sicher a no furchtbar bsoffa.
Hoam gwackelt vo Obing an nexten Tog,
mei war des wida a blog.
Steit`s eich vor ,
beim Heiss hod oana keirat, des is wirklich woar.
Da Thomas hod se endlich traut,
a wenn er no net hod a Häusl baut.
Bei der Antonia in Pößmoss derfa wohna,
jetzt hod wenigstens er de Keabeaga Staatsbürgerschaft gwonna.
Da Heiss Sepp zum spuin fast koa Zeit,
is a überhaupt do heit?
Sei Bau der is scho gantsche weit,
des is a da Micha ihr große Freid.
Der Termin via Hochzeit steht a scho fest,
des is da —,zefix jetzt ham ma Engen des Blattl verwischt.
Da Rockel Rainer is der nächste Kandidat,
mit großen Schritten die Zweisamkeit naht.
Mit da Martina hod as Gründstück a scho kaft,
dad mi net wundern wenn boid was gloans umanandalaft.
Da Gagge hod a engs Programm,
um 3 as Fußboi, danoch zum Wirt, um 6 ham.
Wenns amoi a bisserl länga dauert, pressierts dann glei,
weil sonst kimt Sonja selba no vorbei.
Euer Joker der hod seltn Zeit,
dreffa duat man nur zu zweit.
Simone hier, Simone da
es geht um an Magge des is klar.
Eana Bett oiwei laut gnaritz hod,
jetzt is a an Dochbodn aufe, des war a guada Rat.
An Qurin fuchst des Boistoppn oft,
a jeder zwote Boi jeam ins Seitnaus obtropft.
Ins Herz-AS braucht a jetzt a nimmer fahrn,
hoda doch jetzt a Freindin für sich ganz aloan dahoam.
Da Waste wird a richtiger Wadlzwicka,
am Gegenspieler do bleibta fast scho biga.
A Auto zum Zambaun hod er sie jetzt kaft.
Hoffma das des oide no lang, lang laft.
Immobilienhai Anton Strell,
ist im Kopfe ganz schön hell,
sei eigene Wohnung in Obing is sei gräßte Freid,
zu de drei Wirtschaften is nämlich gar net weit.
Knieprobleme immer schlimmer,
Rückenschmerzen wahrscheinlich für immer.
Der Weg zum Rollstuhl nimmer weit,
da Hogger Flo si garantiert scho gfreit.
Doch als Trainer bei de Gloana
er verdruckt an jeden Schmerz, a wenn`s is scho fast zum woana.
Da Goth Martin ist da aus anderem Holz,
denn er kämpft wie ein Berserker,
im Zweikampf do is koaner stärker.
Trotz Verletzungen und starken Schmerzen,
kämpft er wie ein Löwe, mit ganzen Herzen.
Oina hod sei Lebm kompett umgsteit,
nimmer fürs Bier, sondern für a Wasserbett braucht a sei Geld.
Neben seiner Tine gibt’s fürn Jacky no dutzende Fraun,
mid dene mecht a sogar a Damenmannschaft aufbaun.
A Zeitgenie is da Thomas Giel,
Arbeit, Fußbio spuin, de Gloana trainiern und a Freindin, nix werd eam zuviel.
In Minga fangt a boid as studieren a no o,
wia macht der des blos der guade Mo.
Ja. Ja des solide Lebm,
des kon da scho an Auftrieb gebm.
Die Sorgenkinder keman jetzt,
die Liste is net schlecht besetzt.
Da Maier Herbert, da Jünger is a nimmer,
furt renna duad a immer schlimmer,
irga ois de junga Leit,
des do oft scho nimmer gfreit.
Wia da ewige Stenz,
werd nimma lang dauern dann sitzt da am Stammtisch beim Obern Lenz.
Mit de Haar do fugstn an Armin schwar,
weil da neie Pfarrer fabt´s ses a,
aois Blonda hod a sich in Kirch nei blogt,
ham Dleit Grias Gott Herr Pfarrer gsogt,
er drogt jetz Pech schwarze Haar
und mit mit de Verwechslung is jetzt gar.
Beim Egger Steff und Schmidhuber Flo do gibt’s Parallelen ,
sie san jetzt olle zwoa einsame Seelen.
Da oane hod jetzt a Wohnung, da andere baut a Haus,
aber i glab bei eich is Jungsellenlebm no lang net aus.
Da Egger Chris, war a mit in USA,
jetzt kennans den psuffan Deife do entn a.
Was der do drüm ois drim hod des mog i gar net sogn,
des dad eichane Ohrn gar z`heftig plogn
Oan miaß ma natürlich a no erwähna,
des is da Hauer Charly eian Traina.
Wenn`s den net hättn,
kannt`s Keabeag glei ofanga as betn.
A wenn´s moi laft eher schlecht werd der net so schnei zwida wia da Knecht Ruprecht, do gibt da eich wida neuen Muat
und siehe da, des Spui wird auf oamoi a wieder guat.
Zum Schluß mech i eich no was song,
datz eich im Frühjahr a wieder kräftig blogn.
Denn, so a Rückrunde wia letzs Jahr brauchts net no amoi bieten.
Denn sonst sat´s wirklich de Keabeaga Fuaßballer-Nieten.